Fjarbúðin

2007-04-01T05:44:00.000+01:00

Ég ætla aldrei að blogga hér aftur!

Ég er komin með nóg af þessu fúla kerfi og er flutt yfir á blog.central.is/undralandid

Vonandi flytur minn yndislegi eiginmaður með mér ;o)

Það mátti ekki halda nafninu hamingjusamlegagift því þar er 15 stafir hámark!

Kveðja
Ósk

2007-02-15T21:41:00.000Z

Líf

Ég er á leið norður í Mývatnssveit á morgun til þess að vera þar yfir helgina. Á óskalistanum frá Ósk er m.a. plantan Líf sem er úti í eldhúsglugga. Ætli ég geti tekið hana með í bakpokanum í flugið? Hún mun a.m.k. ekki lifa af það að vera kastað til í ferðatösku af harðhentum hlaðmönnum á flugvellinum.

Uppfært (23:43)

Mér sýnist Líf ekki vera þess leg að hún þoli flutning norður. Hún er samt enn á lífi og hressist vonandi eftir vatnssopann áðan.

2007-02-05T16:08:00.000Z

Áætlun „Mýflug“ heppnaðist fullkomlega!

Áætlunin heppnaðist fullkomlega á föstudaginn. Ég fór í flug rúmlega tíu, borðaði hádegismat á Akureyri og var kominn með rútunni kl. hálfþrjú á föstudaginn.

Sumir voru pínkulítið undrandi þegar ég hringdi dyrabjöllunni á Helluhrauni 7a.

Föstudagurinn fór að miklu leyti í að leggja sig. Við fórum svo í jarðböðin og elduðum þríréttaða máltíð á laugardagskvöldið. Horfðum á LA Story og Confessions of a Dangerous Mind sem eru báðar ansi góðar (hvor á sinn hátt) og auðvitað horfðum við á Eurovision. Lagið hans Dr. Gunna er ansi gott og sama má segja um lagið sem kom á eftir því.

Nú tekur við vinnutörn fram að næstu ferð norður sem verður á föstudaginn í næstu viku.

2007-02-02T02:58:00.000Z

Nótt á VR2 2

[Varúð: Nám + þreytusvimi]

Vúhú! Mér tókst að leysa burðarbitaverkefnið núna rétt fyrir kl. 3. Húrra fyrir verkfræðingunum sem settu upp síðuna http://www.soft4structures.com (markhópur=Eyrún)!

Röltið út í 10-11 hefur greinilega borið ávöxt. Nú hef ég engu að kvíða þótt skýrsluskil séu á mánudaginn. Á samt enn eftir heimadæmi o.fl. áður en ég fer að sofa.

Enn eru nokkrar hræður í húsinu þegar ég fer að pakka niður. Það er kveikt ljós á bókasafni meistaranema. Þar eru augljóslega einhverjir sem ætla að ná því að útskrifast í febrúar.

2007-02-02T01:19:00.000Z

Nótt á VR2

[Varúð: Svefngalsi]

Nú er klukkan farin að ganga tvö um nótt hér á VR2. Auk mín er hér reitingur af fólki, meirihlutinn af því er að undirbúa Hönnunarkeppni vélaverkfræðinema sem fram fer kl. eitt á morgun. Það er reyndar útlit fyrir að ég missi af keppninni.

Annars er gott að vera hérna í ró og næði. Ég er búinn að breiða vel úr mér hérna í tölvuverinu og tel 13 mismunandi blaðabunka í kringum mig á nálægum tölvum og stólum. Ég get hvenær sem er rölt út í 10-11 sem er opin allan sólarhringinn og náð mér í gotterí. Ég henti Brakpokanum sem ég keypti í dag því hann var ekki nógu góður á bragðið (og jú, ég viðurkenni að hafa heyrt rödd Sölva Fannars einkaþjálfara í hausnum á mér: „Þú myndir aldrei setja svona rusl á tankinn á fína bílnum þínum“ - og ég sem á ekki einu sinni bíl). Hef haldið mig við ávextina hingað til en hver veit hvað gerist þegar líða tekur á nóttina og verkefnið í reiknilegri aflfræði fer að taka á sig mynd.

2007-01-22T19:19:00.000Z

Örblogg

Sviðið: Kona með þrjá strákpatta að taka strætó á Lækjartorgi í hádeginu á laugardegi.

Strákur: Mamma, sjáðu geislasverðið mitt!

Fjölskyldan stígur upp í vagninn.

Þremur sekúndum síðar flýgur grænn stútur af brotinni bjórflösku út um afturdyrnar á vagninum.

2007-01-22T19:13:00.000Z

Hugleiðing um upphaf sjö ára ógæfu

Ég lenti í því á laugardagsnótt að rekast utan í stóran spegil sem hafði verið reistur upp á rönd við vegg. Spegillinn valt um koll og brotnaði í þúsund mola sem dreifðust yfir baðherbergisgólfið.

Í gær, sunnudag, rann svo upp dagur ógæfunnar. Ísland tapaði, Manchester United tapaði, liðið mitt tapaði 20-8 í innanhússboltanum og ég komst að því að heima hjá mér var spóla sem átti að skila út á vídeóleigu fyrir viku. Til þess að kóróna þetta allt saman þá þurfti ég að skera mig á glerbrotunum þegar ég hreinsaði þau upp.

Í gær var einnig dagurinn þar sem konan mín fór norður í land og munu líða fjórar vikur þangað til að ég sé hana næst.

Svona væri hægt að líta á málin.

Þá væri ég hins vegar að horfa framhjá ýmsum staðreyndum. Ég hef t.d. ekkert fylgst með handboltamótinu og þótt ég fylgi M.Utd. að málum þá er ég það illa inni í leik liðsins að ég veit varla hverjir eru að spila fyrir þá. Ég fann þúsund króna seðil í vasanum í gær sem ég lét vinkonu okkar hafa og hún sá um að fara með spóluna út á leigu og tók á sig aukakrók til þess að skutlast eftir mér þegar ég skilaði bíl sem ég var með í láni.

Skurðurinn eftir glerbrotin sést varla lengur og ég má telja mig býsna heppinn að hafa sloppið svo vel eftir að hafa tiplað nokkrum sinnum berfættur um baðherbergið áður en ég hreinsaði upp glerbrotin berhentur.

2007-01-19T10:18:00.000Z

Rembingskoss í kennslustund

Ég vissi ekki alveg hvaðan á mig stóð veðrið þegar stelpa sem ég kannaðist ekki við kom arkandi í lok kennslustundar í dag og smellti mig rembingskossi á kinnina!

Eftir þessa óvanalegu lífsreynslu náði ég að veiða það upp úr stelpunum á fremsta bekk að bekkjarsystir þeirra væri að safna áheitum fyrir UNICEF í verkefninu „Gleði til góðgerða“. Hún gekkst undir það að kyssa alla kennara 6. M í dag og var ég engin undantekning þótt ég kenni stjörnufræðihluta bekkjarins en hún sé í erfðafræði.

2007-01-09T15:02:00.000Z

Það góða við að búa ein er að dansa eins og brjálæðingur og sleppa svo sturtu!

Ef einhverjir koma í heimsókn skal ég samt lofa að fara í sturtu!

Ekki samt koma í heimsókn 12. -21. janúar því þá verð ég í Reykjavík, megið auðvitað koma í heimsókn á Nesveginn samt ;o)

2006-12-29T21:46:00.000Z

Nintendotölva á heimilið

Nei, við erum ekki búin að fá okkur Wiii!

Við keyptum gamaldags Nintendo NES tölvu (gráa að lit) í félagi við Lynghagabræður.

Við vorum að spila Duck Hunt áðan og vorum að velta fyrir okkur hvernig byssan virkaði.

Svarið fannst á netinu (hér). Fyrir ykkur sem nennið ekki að lesa þetta þá gengur þetta svona fyrir sig:

1. Þegar smellt er af gikknum verður skjárinn svartur.

2. Það sjást samt hvítir deplar þar sem endurnar eru á skjánum.

3. Ef ljósneminn inni í byssuhlaupinu sér hvítt en ekki svart hefurðu miðað rétt á öndina. Hún drepst og þú færð stig!

2006-12-28T22:12:00.000Z

Bjargvætturinn

Að slökkva eld í kertaskreytingu og servíettu er prýðileg leið til þess að losna við volgt kók í jólaboðum.

Ótrúlegt hvernig allir frusu þegar það kviknaði í. Það liðu trúlega um 15 sekúndur þangað til við mundum eftir því að besta leiðin til þess að slökkva eld er að skvetta á hann vökva!

2006-12-22T20:31:00.000Z

Nýársgleði og fjarbúð

Við hjónakornin bjóðum öllum lesendum í áramótapartí á Nesvegi 66 eftir kl. 1 á nýársnótt. Þetta er ekki bara teiti vegna áramótanna heldur er þetta líka kveðjuteiti því Ósk er að fara að kenna unglingum í Mývatnssveit stærðfræði eftir áramót.

Við keyrum norður 2. janúar en þið þurfið samt ekki að örvænta því Ósk kemur í bæinn í námslotur í fjarnáminu og svo er aldrei að vita nema einhver hafi áhuga á því að fljóta með þegar Sverrir fer að heimsækja Ósk í vor.

2006-12-19T09:58:00.000Z

Hættulegir vegir og Carlos Pelligrini

Í gærkvöldi rakst ég á blogg yfir hættulegustu vegi heims eftir ábendingu frá Einari Erni (www.eoe.is).

Hér er vegabloggið.

Vegur númer 2 í röðinni er í Bólivíu og gengur undir því heillandi nafni „Dauðaslóðin“. Í Dragoman-bæklingnum um ferðina okkar í sumar var varað sérstaklega við því að hjóla þarna niður! Fyrir mann sem verður dauðskelkaður í rússíbana fyrir börn á Spáni þá var það aldrei inni í myndinni.

Vegur númer 1 í röðinni er hins vegar eitt allsherjardrullusvað og minnti mig strax á vegina til Carlos Pelligrini í Argentínu. Það minnti mig svo á að við eigum eftir að setja inn myndir frá ferðalaginu inn á netið! Kannski látum við verða af því um jólin.

Hér er sex myndir frá bænum Carlos Pelligrini sem er við Iguazu fenjasvæðið í Argentínu. Það var bæði rigning og myrkur þegar við ókum drulluveginn í áttina að bænum. Trukkurinn rann nokkrum sinnum til á veginum og við vonuðumst bara til þess að hann myndi ekki velta. Þegar við komum að skóginum við brúna yfir í bæinn í rigningunni datt okkur það sama í hug: Tölvuleikurinn Myst!

Mynd 1: Brúin yfir í Carlos Pelligrini.

Mynd 2: Tjaldstæðið okkar í Carlos Pelligrini. Þarna sést tjaldið okkar.

Mynd 3: Krókódílar á fljótandi eyju á fenjasvæðinu. Við fórum seinna úr bátnum (ekki samt nálægt krókódílunum) og hoppuðum á tveggja metra þykkri eyjunni!

Mynd 4: Á huggulegum veitingastað í Carlos Pelligrini.

Mynd 5: Hér er „fáfarnari“ leiðin frá Carlos Pelligrini sem hefði stytt för okkar um ca. 150-200 km. Við snerum samt við áður en við festum bílinn!

Mynd 6: Hér er verið að þrífa bílinn eftir að við komum aftur á malbikaða aðalveginn.

Ég ætlaði að stytta mér leið og vísa á myndir af netinu frá Carlos Pelligrini. Það sem kom óvænt í ljós þegar ég leitaði að „Carlos Pelligrini + Iguazu“ á netinu var síða stelpu sem er búin að ferðast sömu leið í haust og við fórum í sumar nema í öfuga átt! Hún er sem sagt búin að ferðast að vera á ferðalagi frá Ríó um La Paz í Bólivíu til Ekvador (við hófum för okkar til Ríó í La Paz).

Það sem er enn fyndnara er að hún er með mynd af sama bílnum og við ferðuðumst á sem nefndist „Tortuga“ (Skjaldbakan) í drullusvaði á leiðinni til Carlos Pelligrini! Skrýtið að endurupplifa ferðalagið í gegnum þessa og aðrar myndir hjá henni á netinu.

2006-12-19T03:45:00.000Z

Gott fyrir sálina:

Að hlusta á Benna Hemm Hemm og fallegu lögin um lífið!
Að setja alveg sjálfur saman hlut frá IKEA
Að laga saumsprettu
Að viðurkenna að maður hefur ekki rétt fyrir sér

2006-12-13T17:01:00.000Z

Jólin koma senn

Hér er jólalag og myndband sem kemur öllum í gott jólaskap!

Aðrir sálmar:
Strákarnir á b2.is voru svo elskulegir að setja inn slóð á lokaverkefnið mitt í burðarþolsfræði.

2006-12-11T10:09:00.000Z

Fýsibelgur á Hlöðunni

Hvernig getur ein manneskja andað svona ótt og títt á milli þess sem hún bankar með pennanum í námsbækurnar, sýgur upp í nefið, ropar og geispar af áfergju?

Nú væri gott að vera með eyrnatappa.

2006-12-08T17:30:00.000Z

Lækjargötu 8. desember

10:50 Lítill snáði bendir á skítugan snjóskafl fyrir neðan MR og segir við pabba sinn: „Wooh! What a big snow mountain!“

13:15 Tveir hressir náungar á Audi eða BMW eru eitthvað að pukrast í bílnum en skrúfa svo niður rúðuna og spyrja: „Hver er höfuðborgin í Mósambík?“ Þeir hlæja og ég brosi. Deginum er bjargað!

2006-12-05T01:57:00.000Z

Hafið þið einhvern tímann lent í því að maðurinn ykkar

hendir fötunum sínum út um allt
vaskar aldrei upp, segist svo ætla að gera það og bíður þar til það er komið fjall og vond lykt úr vaskinum
er rosalega veikur og vill láta hjúkra sér þó að hann sé bara með nokkrar kommur og kvef
er algjörlega sambandslaus þegar hann er að horfa á sjónvarpið

Ég hef ekki lent í neinu af þessu með manninn minn en hann er stöðugt að reka sig á þetta með mig. Það er aðeins tvennt sem getur verið í gangi.

Í rauninni er ég karlmaður og hann kona
Konur bæjarins eru að alhæfa um karlmenn út frá sínum manni

Ég er ekki bara að blogga þetta til að allir viti hvað ég á yndislegan mann heldur er ég orðin ótrúlega leið á neikvæðum alhæfingum um karlmenn og reyndar konur líka og alla.

Konur geta ekki bakað í stæði... Jú ég get það víst!

2006-12-02T16:00:00.000Z

Láttu bílinn borga gjafirnar!

Ingvar Helgason býður þeim sem kaupa nýjan bíl hjá fyrirtækinu 100 þúsund kr. inneign í Smáralindinni og 75 þúsund kr. inneign ef bíllinn er notaður.

Eftir þessa auglýsingu rifjuðust upp fyrir mér nokkur misgáfuleg tilboð af sama tagi þar sem eitthvað fylgir „frítt“ með annarri vöru sem er mjög misjafnlega tengt því sem maður er að kaupa.

Dæmi:

1) Tilboð að hætti BT og Nýherja

Hverju SONY heimabíó fylgir Superman „frítt“ með á DVD.

Þú færð „ókeypis“ fartölvutösku með hverri fartölvu á meðan birgðir endast.

Þessi tilboð eru svo sem ekki órökrétt.

2) Alls konar áskriftartilboð, símfyrirtæki o.fl.

Ef þú gerist áskrifandi að Lifandi vísindum í ár færðu þetta glæsilega úr „að gjöf“.

Hmmm...hvernig tengist það tímaritinu? Trúlega eru tímarit eins og Gestgjafinn og Hús og híbýli í bestu aðstöðunni til þess að gefa gjafir sem tengjast efni tímaritanna (og kannski B&B þótt ég hafi ekki heyrt um það!).

Svo eru það TAL og OgVodafone:

Komdu í áskrift hjá okkur og fáðu 10 „frímiða“ í bíó!

Æi, já, það var víst sama móðurfyrirtækið á bak við símfyrirtækið og bíóið!

3) Sjónvarpsmarkaðurinn og álíka

Ef þú pantar magaþjálfarann innan tíu daga færðu sendan með steikarspaða sem er líka málmleitartæki.

Í þessum flokki er það bara hugmyndarflugið (og lagerinn) sem stöðvar seljandann.

Eru lesendur með fleiri sögur og hugmyndir?

2006-11-19T18:56:00.000Z

Jólin mín komu í nótt!

Ég fór í mjög skemmtilegt ammæli og fór svo að dansa í snjónum!! Eða fór út í snjóinn til að dansa á skemmtistöðunum öllu heldur!

Af því að jólin mín eru komin fór ég í Ikea í dag og er að hlusta á jólalög!
Mér finnst að allir megi ráða hvenær jólin þeirra komi ;o)

Hér er krækja á gott blogg um þyngd og tölvuþyngd!
Mér finnst að ef maður ætlar að gera krækjur á e-ð (linka) þá verði það að vera í öðrum lit. Það eru samt ekki allir sammála mér. Hvað finnst ykkur?

Snjókorn falla....
...og ég hlakka til jólanna!

2006-10-25T00:35:00.000+01:00

Um daginn bloggaði ég langt blogg en það hvarf og þá varð ég voðaleið!

Fyrir alla þá sem eru að velta því fyrir sér þá er ég ekki ólétt!!! Vissulega erum við gift og auk þess hef ég fitnað en ég hefði ekki trúað að það gætu svona margir spurt á svona stuttum tíma hvort ég væri ólétt!! Maður verður bara eins og kúkur og reynir að snúa þessu upp í grín. Ég segi stundum að ég sé bara feit eða spyr viðkomandi hvort hann sé óléttur óháð aldri og kyni. Ég er eiginlega orðin vön þessu og var búin að sætta mig við það þangað til ég var í gær spurð:
Var það strákur eða stelpa? (ó varstu ekki ólétt?)

Ég skal síðan bara blogga það ef ég verð einhvern tímann ólétt!

2006-07-02T20:58:00.000+01:00

Heyrt í Bólivíu:

Er tessi San Pedro de Adacama e-d spennandi? Ég skil ekki af hverju vid f0rum ekki bara beint til Argentinu!

Einu fallegasta fjallaskardi i heimi, raudu vatni, graenu vatni, tveimur dogum af godu vedri, nokkrum glotudum fotboltaleikjum, mumiusafni og stjornuskodun seinna:

Ég vildi ad vid gaetum verid lengur herna!

Sverrir hefur held eg svolitid oft rett fyrir ser, allavegana tegar hann segir ad eg fai allt sem eg vil tvi vid fengum aukadag i Chile ;o)

2006-07-02T20:54:00.000+01:00

Svona bloggar Ósk

Svona bloggar Sverrir tegar hann man annars svona

Svona bloggum vid saman (tvi ad raudur+blár=fjólublár)

Leim ekki satt?

2006-06-28T01:42:00.000+01:00

Kuldaboli i Boliviu

Nu er vetur a sudurhveli (solargangur stystur fyrir faeinum dogum). Vid hofdum fengid orlitlar upplysingar um vedrid her adur en vid forum ut en tha var sagt ad thad yrdi frekar kalt a nottunni en hitinn kaemist upp i ca. 20 stig a daginn i La Paz.

Thad sem maetti okkur a flugvellinum um hanott i La Paz gaf akvedna visbendingu um hvad koma skyldi: Flugvallarstarfsmenn med hufur innandyra og skitakuldi utivid.

Jaeja, svona er vedrid tha a naeturnar hugsudum vid og huggudum okkur vid tilhugsunina um heitari daga. Vedrid er agaett um midjan daginn thegar sol er a lofti (her er yfirleitt heidskirt) en thegar sol hnigur til vidar leikur kuldaboli lausum hala! Husin eru litid eda ekki upphitud og meira ad segja a Ritz hotelinu svafum vid med svefnpoka eina nottina thvi thad tok heilan dag ad koma „sjalfvirku“ kyndingunni af stad!

Hotelherbergid i Potosi thar sem vid vorum sidast var alika hlytt a naeturnar og isskapurinn heima a Nesveginum og vid buumst vid thvi ad taka fram svefnpokana fyrir fyrstu nottina okkar i her i Uyuni, sem er litill baer vid staerstu saltslettu i heimi (12 thusund ferkm.).

Thetta er ekki serlega gott afspurnar fyrir jardedlisfraedinema a vedurfraedilinu i HI thvi thad var greinilega tvennt sem gleymdist ad taka med i reikninginn: Haedin (Potosi er til ad mynda haesta borg i heimi i um 4000 m eins og haslettan oll) og meginlandsloftslagid thar sem sjorinn hefur engin ahrif til temprunar og engin skyjahula til ad halda varmanum nalaegt jordu likt og a Islandi.

A morgun holdum vid i jeppaferd ut a saltsletturnar her hja Uyuni en svo er stefnan tekin a San Pedro de Atacama i Chile.

Stjornunord hopsins er kampakatur thvi her er gotulysing i lagmarki og bjort Vetrarbrautarslaedan liggur hatt a himni asamt framandi stjornumerkjum eins og Sudurkrossinum og Mannfaknum.

Eitt kuriositet ad lokum: Thegar vid hittum hopinn i fyrsta sinn i La Paz kom i ljos ad thad var einn Islendingur til vidbotar i 15 manna hopnum! Sa heitir Gunnar og er tolvunarfraedingur og heimshornaflakkari a svipudu reki og vid. Vid hofum naeg taekifaeri til thess ad kynnast honum thvi hann er med okkur i matarhop en 5 hopar skiptast a ad kaupa inn og elda ofan i lidid.

2006-06-24T19:29:00.000+01:00

Meira af La Paz

Dragoman ferdin er nu formlega hafin. Hittum hopinn og list agaetlega a ferdafelagana.

Forum i skodunarferd um borgina i gaer og i Tungldalinn sem myndadist thegar vatn hripadi nidur um setlog og skop alls konar kynjamyndir.

Orfair frodleiksmolar um La Paz:

-borgin er i kvos sem gengur inn i 4000 m haa haslettuna og er husnaedid dyrara eftir thvi sem husin standa laegra i borginni

-a flugvellinum uppi a haslettunni er ein lengsta flugbraut i heimi vegna thess hve loftid er thunnt thegar velarnar fara a loft

-saum haesta golfvoll i heimi fyrir utan borgina i um 3500 m haed (i grennd vid audmannahverfi sem stendur laegra en hus almennings i borginni)

-i fjarska sast i snaevithakid fjall thar sem er haesta skidasvaedi i heimi i yfir 5000 m haed

-saum haestu olympisku sundlaugina i heiminum

-horfdum yfir olympiuleikvanginn thar sem Bolivia vann Brasiliu i knattspyrnu i undankeppni HM 1996. Thad var i fyrsta sinn sem Brasilia tapadi i undankeppni.

-thurfum ekki ad hafa ahyggjur af moskitoflugum herna thvi loftid er svo thunnt ad thaer geta ekki flogid og thrifist.

-leidsogumadurinn i skodunarferdinni sagdi thad thumalfingursreglu ad bilarnir misstu afl sem naemi 10 prosentum fyrir hverja 1000 m sem farid vaeri upp a vid. Her eru brattar brekkur og leigubillinn sem vid tokum i gaer var vid thad ad braeda ur ser.

Takk fyrir oll kommentin! Erum a leid a nornamarkadinn!

2006-06-23T14:12:00.000+01:00

RITZ

Hofum nu dvalid thrja daga i godu yfirlaeti a Ritz ibudahotelinu i La Paz.

Hotelid er „All Suites“ sem merkir ad vid erum i glaesilegri svitu.

Thar sem borgin er i um 3.800 m haed maedist madur af thvi ad labba upp stiga og fara ut ad labba i korter. Thvi kom ser vel ad vera a flottasta hotelinu i ferdinni og geta med godri samvisku hangid innandyra.

2006-06-20T11:53:00.000+01:00

Rio de Janeiro TAKA TVO

Borgin tar sem...

...storir rassar eru algjorlega malid. Tad er meira ad segja haegt ad kaupa rassapuda til ad staekka og stinna rassinn sinn.

...graeni kallinn er stundum gulur og leigubilarnir fara yfir a raudu!

...afgreidslustelpurnar dansa i verslunarmidstodunum.

Tar af leidandi...

...keypti eg efnislitid bikini og hristi gula rassinn minn i takt vid oldurnar!

Eg elska tetta...

...og ykkur ;o)

2006-06-19T01:19:00.000+01:00

Rio de Janeiro

Dvolin i Paris var alveg einstok; hotelid einstaklega huggulegt og fraebaert ad heimsaekja thessa borg med astinni sinni. Vorum i frabaeru hverfi umhverfis Luxemborgargardinn og thad kom mer skemmtilega a ovart ad eg kunni miklu betur a borgina en i sidustu skipti (96 og 98) og nu var lika su breyting a ad eg settist nidur ad borda a fronskum kaffihusum i stad thess ad arka a milli Burger King og Pizza Hut stada!

Eg held samt ad Rio steli senunni thegar eg ber thessar tvaer borgir saman (en hun hefur thad reyndar fram yfir Paris ad vera i framandi heimshluta!). Eg hef kannski ekki ferdast neitt mjog vida en Rio er su magnadasta borg sem eg hef heimsott!

Thad var rigning thegar vid lentum klukkan halfsex i gaermorgun en hafdi stytt upp thegar vid voknudum eftir ad hafa lagt okkur a Hotel Regina. Hotelid er storfint og thad kom a ovart ad vid fengum fjolskylduherbergi med svefnplassi fyrir fjora! Mig ramadi reyndar i ad hafa pantad herbergi sem var adeins finna en grunngerdin en med thessu moti vorum vid komin med tvo aukarum thar sem vid gatum lagt okkur i eftir sveitt og skitug eftir godvidrisdag i Paris og naeturflug til Rio.

Snaebjorn og Elin Loa bentu okkur a hotelid (suduramerika.blogspot.com) og einnig a veitingastad med heimilismat i att ad strondinni thar sem vid komum meltingunni i lag fyrir rumar 500 kr. med drykkjum!

I gaer lobbudum eftir strondinni i Rio og komum a endanum i verslunarmidstodina Rio Sul (sem var reyndar ekki planad). Keyptum nu ekki margt en vorum anaegd med thad sem vid fundum. Merkjavara var ekki mikid odyrari en a Islandi en venjuleg fot voru a margfalt betra verdi.

Forum ut ad borda i gaerkvoldi a adalgotunni her i Flamengo hverfinu og kynntumst mjog liflegu laugardagskvoldi.

I dag tokum vid nedanjardarlestina i attina ad Sykurtoppnum og URCA-hverfinu. Vid skodudum okkur thar um og forum sidan aftur heim a hotelid og veitingastadinn med heimilismatnum til thess ad fylgjast med landsleik Brasiliu og Astraliu (keyptum okkur ad sjalfsogdu Brasiliuboli fyrir leikinn!).

Spenningurinn her i borginni fyrir leikinn var hreint otrulegur og thegar thetta er ritad ad kvoldi er enn vart lift fyrir fagnadarlatum! Vid vorum mjog fegin ad heimamenn hofdu sigur og fengum agnarlitla hlutdeild i honum thegar folk kaettist yfir brasiliubolunum okkar.

Forum a Copacabana seinnipartinn i dag med strandhandklaedin okkar og i sundfotunum. Thegar vid maettum var solin horfin a bak vid husin og nanast enginn a risastorri strondinni. Vid letum thad samt ekki aftra okkur fra thvi ad fara i sjoinn sem var mjog gaman! Skorudum nokkur turistastig thar!

Jaeja, aetla ekki ad blogga fra mer allt vit nuna heldur eiga eitthvad eftir thegar lidur a ferdina. Bid ad heilsa ollum sem vid thekkjum heima a Islandi.

2006-06-13T10:50:00.000+01:00

Brúðkaupsferð

Flugum til Parísar 13. júní. Gistum þar í þrjár nætur á þessu hóteli.

Fljúgum til Ríó 16. júní og lendum þar að morgni 17. júní. Gistum þar í þrjár nætur á þessu hóteli.

Fljúgum til La Paz í Bólivíu 20. júní með millilendingu í São Paulo og Santa Cruz í Bólivíu. Gistum þar í þrjár nætur á þessu hóteli.

Trukkaferðalagið hefst með fundi í La Paz að morgni 23. júní og stendur fram til 25. júlí þegar við komum til Ríó.

Dveljum einn og hálfan dag í Ríó (á sama hóteli og áður) og fljúgum þaðan til Parísar 27. júlí.

Lendum í París 28. júlí og fljúgum sama dag til Íslands.

Trukkaferðina keyptum við í gegnum Stúdentaferðir af bresku ferðaskrifstofunni Dragoman en hún hefur þetta dularfulla nafn „Altiplano, Gauchos and the Falls“.

Hér er kort yfir leiðina sem við förum:

og hér er mynd af Dragoman fjallarútu:

2006-06-13T10:42:00.000+01:00

Brúðkaup

Kæru vinir!

Við erum strax byrjuð að njóta hveitibrauðsdaganna. Við viljum nota tækifærið til þess að þakka öllum sem tóku þátt í brúðkaupsundirbúningi og öllum ættingjum og vinum sem voru með okkur á þessum yndislega degi. Takk fyrir allar frábæru gjafirnar, skeytin og hlýju hugsanirnar.

Eftir brúðkaupið fórum við í sumarbústað á Núpum rétt hjá Hveragerði. Biðu okkur þar alls konar kræsingar, kertaljós og rúm stráð rósablöðum. Daginn eftir röltum við í Hveragerði og hittum brandaraapann Bóbó í Eden.

Síðar í vikunni kom ljósmyndarinn okkar, Christopher Lund, með útprentaða bók með stórglæsilegum myndum úr brúðkaupinu. Hér er hægt að sjá myndirnar í vefgalleríinu hans.

Auk þess tóku margir gestir myndir í veislunni og hafa nokkrir þeirra sett þær á netið:

Myndir frá Önnu Lísu
Myndir frá Eyjólfi Guðmundssyni

Sverrir og Ósk